بالفيديو – تصريحات مثيرة لميار الببلاوي عن زيجاتها ومحاولة اغتيالها

حلّت الفنانة ميار الببلاوي ضيفةً على الإعلامية بسمة وهبة، في الجزء الثاني من حلقتها في برنامج “العرافة”، الذي تقدّمه عبر قناة “النهار”، حيث كشفت العديد من أسرار حياتها الشخصية والفنية، وتحدّثت عن المشهد الذي أثار الجدل في أحد أعمالها، لتثير الجدل بعدد مرات طلاقها من زوجها الحالي، كما تكلمت عن محاولة إحدى الفنانات اغتيالها بالسُّم.

وفي السطور التالية أبرز تصريحات ميار الببلاوي في الجزء الثاني من “العرافة”:

– “مشهد السرير في مسلسل “أيام السراب” ده أنا لا قرّبت من الراجل ولا هو قرّب مني، ولما لبست باروكة فيه ده يعتبر خلع للحجاب فعلاً”.

– “المشهد كان في منتهى الستر والاحترام ومعمول بمقاييس شرعية، وما زلت بمثّل حتى بعد الحجاب لأني بحب التمثيل جداً، وروحت عملت عمرة بعد ارتدائي للباروكة لأن ده ميعتبرش حجاب خالص”.

– “في شيخ اتقدملي بشكل غير مباشر أثناء تصويري حلقة معاه، هو طلع معايا في لقاء في برنامج وقال للزميل والزميلة اللي معايا دي حلوة أوي ومقدرش أقعد معاها من غير ما أتجوزها، واشترط إني مبقاش معاه في الحلقة فمحاورتوش وهو كان معروف عنه إنه مزواج”.

– “اتجوزت أربع مرات على سُنّة الله ورسوله، ومبحبش أتجوز في السر، وزوجي الأخير اتطلقت منه 11 مرة ورجعنا تاني، وهو أول حب في حياتي ولو كان استمر في حياتي مكنتش هتجوز أي حد تاني، وعندنا عدم تجانس في الدم مينفعش نخلف، وأنا كنت عايزة أخلف فاتجوزت غيره”.

– “خطيبة ابني السابقة من أول يوم قالتله شوفلك حل في أمك، هي كانت بنت ناس ومحترمة بس محبتنيش، وده ابني الوحيد”.

– “حاولت معاها بس كانت بتروح تعمل كل حاجة لوحدها، وهو مكنش بيصدّقني، وفي الآخر هو اللي اقتنع، وأول حاجة قولتها ليها أنا عايزاكي تبقي بنتي مش مرات ابني”.

– “في فنانة حطتلي سُم في الأكل بسبب الغيرة، عشان كانت بتحب حد والشخص ده قالها إنه بيحبني أنا”.

– “في أوقات كنت محتاجة أشتغل وبرغم إني من نفس جيل السقا وكريم عبد العزيز وغيرهم، لكن عمري ما رفعت السماعة وقولت لحد شغّلني معاك، ولكن اتجرأت في مرة وكلّمت ياسر جلال لأنه جدع، وقولتله عايزة أشتغل معاك في مسلسل “الفتوة”، قالي مقدرش عشان مليش حكم على المسلسل، واليوم ده قلبي اتوجع جداً”.



اقرأ المقال من المصدر

التعليقات متوقفه